Lirik Lagu Batak Jamila

Jamila

Cipt: Roy Sagala (Serindo Grup)
Artis: Dinyanyikan Banyak Artis

Ooo, Jamila, Jamila da bintang film India
Boru ni kalifah, parumaen ni pandita
Godang do halak sega dibahen ho da Jamila
Dirimpu anak boru hape naung ina-ina
Oh Jamila...

Ilustrasi.

Marsambil-sambilu manang marsambola-sambola
Hamu dongan na poso bege hamu angka poda
Poda-poda na uli tarlumobi sian natorasna
Digogoi do mangula pasingkolahon anakhonna
Sai songon solu bolon marsiadu tu bontean
Songon i ma natorasna patimbohon pangkat ni gellengna
Oh Jamila...

Ooo, da Jamila, Jamila da bintang film India
Boru ni kalifah, parumaen ni pandita
Godang do halak sega dibahen ho da Jamila
Dirimpu anak boru hape naung ina-ina

Minak manumbak lobu dalan lao tu Porsea
Godang do anak boru, godangan na so hasea
Margabus do diula maradophon natorasna
Holan mangido hepeng didok lao parsibungkuna
Dihallung ma bungkuna didok ma lao tu singkola
Didayung ma sepeda hape mandapothon hamletna
Oh Jamila...

Ooo, da Jamila, Jamila da bintang film India
Boru ni kalifah, parumaen ni pandita
Godang do halak sega dibahen ho da Jamila
Dirimpu anak boru hape naung ina-ina

Taon onompuluh pitu tu taon onompuluh ualu
Maju ni jaman on tarlumobi na marbaju
Gabe ma celanana jengky rio-rio nang baju-baju
Huhut markassa reben timbo mose dohot sipatu
Ai dang dipardulihon inanta i tinggal di jabu
So aha be didok so adong laba mangalu-alu
Oh Jamila...

Ooo, da Jamila, Jamila da bintang film India
Boru ni kalifah, parumaen ni pandita
Godang do halak sega dibahen ho da Jamila
Dirimpu anak boru hape naung ina-ina

*****